Azərbaycan Respublikası “Əlil Qadınlar” cəmiyyəti Azərbaycan Respublikası Əmək və Əhalinin Sosial Müdafiəsi Nazirliyinin dəstəyi ilə “Uşaqların dövlət uşaq müəssisələrinə düşməsinin qarşısının alınması və çətin həyat şəraitində olan uşaqların və ailələrin sosial xidmətlərə çıxışının təmin edilməsi məqsədi ilə  “Qazax  rayonunda  Günərzi Mərkəzinin yaradılması” layihəsi 2013-cü ildən həyata keçirilir. Həyata keçirilən layihəyə maliyyə vəsaiti “Sağlamlıq imkanları məhdud uşaqlara və sosial təhlükəli vəziyyətdə olan yetkinlik yaşına çatmayanlara sosial xidmət göstərilməsi sahəsində əlavə tədbirlər haqqında” Azərbaycan Respublikası Prezidentinin 09 yanvar 2013-cü il tarixli 2653 nömrəli Sərəncamına və Azərbaycan Respublikası Nazirlər Kabinetinin “Sosial xidmət sahəsində dövlət sifarişlərinin bələdiyyələrə, fiziki və hüquqi şəxslərə, o cümlədən qeyri-hökumət təşkilatlarına verilməsi Qaydasının” təsdiq edilməsi haqqında 30 dekabr 2012-ci il tarixli 330 nömrəli qərarına uyğun olaraq ayrılmışdır.
5 iyul 2013 cü ildən Qazax  rayonunda həyata keçirilir. Layihə çərçivəsində (3 – 6 və 6 - 12)  yaşadək çətin həyat şəraitində olan uşaqlara Günərzi Qayğı Mərkəzində maddi,  mənəvi yardım göstərilir.  Günərzi mərkəzində məktəbəqədər və məktəb yaşlı uşaqlardan ibarət  iki  qrup formalaşdırılmışdır.  30 uşaq üçün nəzərdə tululan mərkəzə tək  valideynlı, hər iki valideynini itirmiş və nənə, baba, xala, bibi, əmi, dayı,  v.sarə  ailənin himayəsində olan uşaqlar, birinin əlilliyi və ya xəstəliyi olan, digərinin (və ya hər iki valideyninin) isə daimi iş yerinin olmaması səbəbindən günün çox hissəsini günəmuzd qaydada işləyən valideynlərin uşaqları və inteqrativ təhsilə cəlb oluna bilən sağlamlıq imkanları məhdud uşaqlar cəlb edilmişdir.
Günərzi Qayğı Mərkəzinin əməkdaşları tərəfindən  yaş və psixoloji xüsusiyyətlərinə uyğun təlim-tərbiyə prosesini təşkil etməklə, risk qrupuna aid olan uşaqların  inkişafını və tərbiyəsini təmin edərək, onların inkişafı üçün müxtəlif  təlimlər həyata keçirir. Mərkəzin əsas məqsədi sosial xitmətə ehtiyaclı olan uşaqların dövlət uşaq müəssisələrinə düşməsinin qarşısının alınmasıdır.
Qazax  rayonundakı Günərzi Mərkəzinə cəlb olumuş könüllülərin dəstəyi ilə valideyinləri cəlb edərək evdə uşaqlarla davranlş qaydaları ilə bağlı təlimlər keçirilərək, infarmasyanın yayılmasına nail olmuşlar.