Bakı, Azərbaycan – “Əlil Qadınlar Cəmiyyəti” İctimai Birliyi, BMT-nin Qadınlara qarşı zorakılığın aradan qaldırılması üzrə Etimad Fondunundəstəyi ilə 2022–2025-ci illəri əhatə edən “Bakı, Gəncə və Quba-Xaçmaz bölgəsində əlilliyi olan qadın və qızların ictimai xidmətlərə çıxışınıntəkmilləşdirilməsi” layihəsini həyata keçirir. Layihə, sağlamlıq imkanları məhdud qadın və qızların dövlət və bələdiyyə səviyyəsində sosial xidmətlərə maneəsiz çıxışını təmin etmək, zorakılıq risklərini azaltmaq və onların müdafiə mexanizmlərini gücləndirməyi hədəfləyir. Son 3 ildə Bakı, Gəncə və Quba-Xaçmazda yerli icra orqanları və dövlət qurumları ilə əməkdaşlıq əsasında bir sıra tədbirlər uğurla icra olunub. Layihənin həyata keçirilməsində Azərbaycan Respublikası Prezidentinin Administrasiyasının dəstəyi və təşviqedici siyasəti mühüm rol oynayıb. Layihənin yekun mərhələsində, 2025-ci ilin avqust ayında Lənkəran, Gəncə, Göygöl, Ağstafa, Qazax və Quba rayonlarında regional ictimai dinləmələr və dəyirmi masalar təşkil ediləcək. Bu tədbirlər layihə nəticələrinin müzakirəsinə və dövlət-vətəndaş cəmiyyəti əməkdaşlığının
gücləndirilməsinə xidmət edəcək.