“Bakı, Gəncə şəhərləri, Qusar, Quba və Xaçmaz rayonlarında əlilliyi olan qadın və qızların ictimai xidmətlərə çıxışının təkmilləşdirilməsi” layihəsi çərçivəsində Bakı şəhərində “Çıraq Plaza”da növbəti təlim təşkil olunmuşdur. “Əlil Qadınlar Cəmiyyəti” İctimai Birliyi (ƏQC.İB) tərəfindən, Qadınlara qarşı zorakılığa son qoymaq üçün BMT-nin Etimad Fondunun (UN Trust Fund) maliyyə dəstəyi ilə həyata keçirilən “Bakı, Gəncə şəhərləri, Qusar, Quba və Xaçmaz rayonlarında əlilliyi olan qadın və qızların ictimai xidmətlərə çıxışının təkmilləşdirilməsi” layihəsi çərçivəsində dövlət qurumlarının nümayəndələri üçün Bakı şəhərində təlim keçirilmişdir.

Layihənin məqsədi, yoxsul ailələrdən olan, o cümlədən qaçqın və məcburi köçkün ailələrindən çıxmış əlilliyi olan qadın və qızlar üçün ictimai xidmətlərin əlçatanlığını və keyfiyyətini daha da artırmaqdır.

Təlim gün ərzində peşəkar təlimçi Günel İbrahim tərəfindən aparılmışdır. Təlimin keçirilməsində məqsəd dövlət, vətəndaş cəmiyyəti və özəl təşkilatların iştirakı ilə ictimai yerlərdə əlilliyi olan qadın və qızlara qarşı münasibətin dəyişdirilməsinə dəstək göstərmək, zorakılıq hallarının qarşısını almaq, həmçinin onlar üçün ictimai xidmətlərin əlçatanlığını və keyfiyyətini yaxşılaşdırmaqdır.

Təlim zamanı slaydlar əsasında təqdimatlar hazırlanmış, problemlər müzakirəyə çıxarılmış, insan fiziognomiyasında kodlar, yanaşma və ünsiyyət yollarının təsviri öyrədilmişdir. Nitq üslubu, beynəlxalq
müraciət formaları tədris olunmuşdur. Əlilliyi olan qadınların özəllikləri və statistik göstəricilərin dəyişməsi üçün atılacaq addımlar müzakirə edilmişdir.

Öyrədilən materialların mənimsənilmə səviyyəsini ölçmək məqsədilə təlimin əvvəlində və sonunda test sualları paylanılmışdır. Təlim sonunda fərdi konsultasiyalara yazılanların qeydiyyatı aparılmışdır. Sonda təlim iştirakçılarına sertifikatlar təqdim olunmuşdur.

Qadınlara qarşı zorakılığa son qoymaq üçün BMT-nin Etimad Fondu (UN Trust Fund) eksklüziv olaraq yerli və milli səviyyədə qadınlara və qızlara qarşı zorakılığın bütün formalarının aradan qaldırılmasına həsr olunmuş yeganə qlobal qrant mexanizmidir. The UN Trust Fund to End Violence against Women (UN Trust Fund) is the only global grant- making mechanism dedicated exclusively to addressing all forms of violence against women and girls. Layihə Bakı, Gəncə şəhərləri və Quba, Qusar, Xaçmaz rayonlarını əhatə edir və sentyabr 2022 – avqust 2025 (cəmi 36 ay) müddətində icra olunacaq.

Təlimdə 33 nəfər iştirak etmişdir.
Tarix: 18 oktyabr 2024-cü il
Məkan: Bakı şəhəri