PRESS RELİZ
“Əlil Qadınlar Cəmiyyəti” İctimai Birliyinin (ƏQC İB) "Əlilliyi olan qadın və qızlara qarşı ictimai yerlərdə münasibət və davranış problemləri və onların yaşadığı icmaları tərəfindən dəstəklənməsi" mövzüsunda Bakı şəhərində daha bir seminar keçirilmişdir.
“Əlil Qadınlar Cəmiyyəti” İctimai Birliyinin (ƏQC İB) Qadınlara qarşı zorakılığa son qoymaq üçün BMT-nin Etimad Fondunun (UN Trust Fund) maliyyə dəstəyi ilə 2022 -ci ilin sentyabr ayından “Bakı, Gəncə şəhərləri, Qusar, Quba. Xaçmaz rayonlarında əlilliyi olan qadın və qızların ictimai xidmətlərə çıxışının təkmilləşdirilməsi” layihəsinin icrası davam etdirilir.
Layihənin məqsədi: yoxsul ailələrdən o cümlədən məcburi köçkün olan əlil qadınlar və qızlar üçün ictimai xidmətlərin əlçatanlığını və keyfiyyətini daha da artırmaqdır.Keçirilən seminarda əlilliyi olan qadın və qızlar və onların ailə üzvləri üçün faydalı olan müxtəlif ictimai/dövlət xidmətləri barədə, o cümlədən onlara qarşı zorakılığın müxtəlif formalarının tanınması ilə bağlı təlimatlandırılma həyata keçirildi.
Enactus sosial sahibkarlıq layihələri yaradan tələbələrin birləşdiyi beynəlxalq platformasının fəalları tərəfindən psixoloji konsultasiya keçirdilər.
Enactus sosial sahibkarlıq Azərbaycanda 2005-ci ildən, Dövlət İdarəçilik Akademiyasında isə 2008-ci ildən fəalliyət göstərir. Komanda 3 dəfə ölkəmizi Dünya Kubokunda təmsil edib.
Seminar zamanı problemlərlə üzləşənlərlə bağlı məlumatlar toplanaraq əlaqədar dövlət qurumlarına yönləndirilir və həllinə dəstək verilir. Seminarda hüquqları ilə bağlı məlumatlandırılan iştirakçı olan bir neçə əlilliyi olan qadınlar və qızların problemlərinin həllinə dəstək veriləcəyi sevinclərinə səbəb olmuşdur. Müzakirələrin nəticəsində hüquqlarını bilməyən əlilliyi olan insanların hüquları barədə qrup məşğələlərinin təşkili, psixoloji konsultasiyalar daha effektiv nəticə verdi .
“Əlil Qadınlar Cəmiyyəti” İctimai Birliyinin (ƏQC İB) mətbuat xidməti. 24.06.2023
Qadınlara qarşı zorakılığa son qoymaq üçün BMT-nin Etimad Fondu (UN Trust Fund) eksklüziv olaraq yerli və milli səviyyədə qadınlara və qızlara qarşı zorakılığın bütün formalarının həllinə həsr olunmuş yeganə qlobal qrant vermə mexanizmidir.
The UN Trust Fund to End Violence against Women (UN Trust Fund) is the only global grantmaking mechanism dedicated exclusively to addressing all forms of violence against women and girls.
